بسكوت بالشكولاته روووووووعة

عاوزه رأيكم فالتحفه دي
سهله ومفيش بعد كده


نحط معلقتين من الزبدة على النار لحد ماتسيح وبعدين نضيف ليها معلقتين من الدقيق
ونفضل نقلب حتى لحد مايصفر لونه

نشيله من علي النار وبعدين نضيفله المقادير دي:
1 كوباية لبن
3 معالق كبيرة كاكاو بودرة
4 معالق كبيرة سكر
1 معلقه صغيرة فانيلا
نفضل نقلب لحد ما المزيج يبقي ناااااعم
نسيبه على نار هاديه جدا ونفضل نقلب لحد مايبقي تقيييل
نشيله من عالنار ونقلبه لحد مايبرد




بعدين نحط طبقة بسكويت جاهز (ساده)مثلا سنيوريتا او ماري او اي حاجه
وبعدها طبقة شوكولاته
اربع او خمس طبقات زي ماتحبوا
بعد ماتخلصول نغطيها كلها بالشوكولاته



يعني تبقي متغطيه من جميع الجهات بالشوكولاته



بعدين رشوا عليها شوكولاته مبشوره او فستق او جوز هند زي ماتحبوا

وبالهنا والشفا